سباوون ساحېل
ټاکل شويده چې سبا په کابل کې دلسګونه بهرنيو هېوادونو داستازو اوديپلوماتانو په ګډون نړيوال کنفرانس جوړشې نوموړى کنفرانس دلندن دکنفرانس په تعقيب جوړيږي
دنوموړى کنفرانس په هکله په خپله دهېواد په ننه کې کارپوهان عام وګړي اونور بيلابيل نظرونه لري دننګرهار ولايت يو شمير اوسيدونکى نوموړى کنفرانس ته هيله مند دي او وايې چې دا يو مثبت قدم دي چې په لسګونو نړيوال بهرني سياستوال کابل ته راځي
ټاکل شوي چې سبا دلسګونه بهرنيو هېوادونو استازي په کابل کې سره غونډ شي اودلندن دکنفرانس دپروسي په څارلو اودکړو ژمنو دتحقق لپاره به يو ځل بيا خپلي ژمني تازه کړي دا چې نوموړى کنفرانس به څومره وکړي شي چې يو ځل بيا دافغانستان لپاره ګټور اوکړي ژمني عملي شي په دي اړه دننګرهار ولايت يو شمير اوسيدونکى بيلابيل نظرونه لري
دننګرهار يو اوسيدونکى ليکوال او شاعر نصيراحمد ښاد په وينا چې دا يو مثبت قدم دي ځکه نړيوال کابل ته راځي اوداډاډ ورکول کيږي چې دلته امنيت شته
خو يو بل تن سمسور بيا دتيرو کنفرانسونو په اغيزمنتيا نيوکه کوي اوله نړيوالو اوافغان دولت غوښتنه
کوي چې ددي کنفرانس پريکړو ته ژمن پاتي شي
خو ليکوال اودچارو کارپوه شيرعالم املوال بيا وايې چې کيداي شي په دغه کنفرانس کې نړيوال يو ځل بيا افغان دولت ته دځينو اصلاحاتو شرطونه وړاند ي کړي خو په ټوله کې دا يو مثبت قدم دي د ټول هېواد لپاره او زما په اند په تيرو نهه کلونو کې دايوه غټه لاسته راوړنه ده .
ياده دي وي چې په هيواد کې دطالبانو دسقوط وروسته دا څوم نړيوال کنفرانس دي چې دافغانستان دمرستو او سياسي ثبات لپاره جوړيږي چې ان دحامد کرزى تر مشر ۍ لاندي افغان دولت هم دهمدي څير يو کنفرانس په جوړيدو په بن کې رامنځ ته شو
