له غونډې  وروسته  د کرزي ډله ، برادر او د م م استازي مالديپ ته لاړل چې له برادر سره يې  څوورځې په پټه خبرې اترې کولې  د م م پخواني استازي کايي ايډېز ( دنيويارک ټايمز سره په خبرو کې )منلې وه چې پاکستان د برادر په نيولو سره  دخبرو مخه ډب کړه .

برادر هم  د کرزي په شان پوپلزی دی او له مولا عمر سره يې د کوشنيوالي انډيوالي ده دوئ  دواړو په پاکستان کې مولاي او جنګي زدهکړې  کړې دي  .

کله  چې امريکا پر هېواد د يرغل کولو تکل وکړ نو کرزی هم په امريکا کې وو او له امريکايانو له خولې يې اورېدلي ول چې تش په نوم  د افغان  هېواد مشر ۍ لپاره ورته يو پښتون پکار دی چې د کرزي نوم هم د دغه کسانو په نوم لړ کې وو که څه هم کرزی د امريکا انتخاب نه وو له  دې کار لپاره امريکا د عبدالحق پر نوم ګوته اېښې وه  کله چې عبدالحق له  پاکستانه افغانستان ته راواوښت سم له لاس پرې طالبان خبر شول د ځای ځګي نښه پته يې مالومه کړه او په هماغه سات يې وواژۀ او د عبدالحق ورارۀ ترې په تېښته بريالی شو چې بيا وروسته امريکايي چورلکې نیغ اسمان ته پورته کړ چې کرزی هم د ورته برخه ليک سره مخ کېدوکه مولا برادر يې مخې ته ډال شوی نه وای .

کرزی د ٢٠٠١ز کال د اکتوبر په لومړۍ اوونۍ کې افغانستان ته راغی چې په  همدې اوونۍ کې امريکا د شمالي ټلوالې په ملتيا پر هېوادبمباري کوله او کرزی د کندهار په شاوخوا سيمه کې د طالبانو لاس ته د پرېوتو په حال کې وو چې  مولا برادر د خپلو جنګيالو سره د کرزي دفاع ته راودنګل او روغ جوړ يې امريکايي سرتېرو ته په لاس ورکړ چې بيا امريکايانو کرزی د شمالي ټلوالې جنګيالو ته په لاس ورکړ او هغوئ  نېغ کابل ته  په داسې حال کې ورساوۀ چې پر شايې د احمدشا مسود عکس ورنښلولی وو او په کابل کې بيا په يوۀ ډرامه يي ډول له رباني نه کرزي ته هېوادمشري ولېږدول شوه چې اوس ورته ځيني عقلمند ليکوالان  د ولس په رای  ټاکل شوی مشر واي  .