http://www.wranga.com

سپيناوى، ولي بېنوا ډاټ اورګ؟ ------(اداره )

د بېنوا ټكى اورګ (www.benawa.org) ويبپاڼي ډېرو درنو لوستونكو!

په سلامونو او مينه مو درنښت كوو.

د ادب ساپوهنه

ډاکتر کبیر ستوری

پښتانه واړه سره یو دی
ورک دی اغیار شي چې به دوی جداکوینه

شعراو شاعر : شعر یوازی د ادب یوه برخه نده بلکه د پخوانیو پيښو او مالوماتو د لاس ته راوستلو یوه مهمه وسیله هم ده ځکه چې زیاتره هغه لرغونی اثار چې زمونږ تاریخ پيژندونکی پری استناد کوی د شعربڼه لری. ددی خبری ښه شاهدان د «اویستا» او «ریګویدا» لرغونی کتابونه دی. د غه کتابونه بل شی ندی، بلکه د هغه وخت د خلکو یانی د لرغونو اریایانو مذهبی سرودونه دی (مذهبی سرودونه د حمد او نعت په رنګه د شعر یوه خاصه څهره ده). همدغسی د پښتو ژبی پخوانی اثر چې مونږ ته راپاتی دی د امیرکروړ شعر دی چې لدی کبله شعر د خپل ادبی ارزښت په خوا کې پوهنیز(علمی) ارزښت هم لری .

دعبد الوهاب سرتير لنډه پېژندنه

حبيب الله غمخور

د۲۰۰۸ م کال داگست ۲۳ مه

دپښتوشعر سرتير پياوړۍ شاعر دهغه دچاپ شووشعری ټولگوله مخې درنولوستونکواودده دشعرونو مينه والوته داسي ورپېژنو

عبدالوهاب سرتير دادبي اوکلتوري چوپړ ددرناوي په وياړغونډه

دپښتودخوږ ژبي شاعر ښاغلي عبدالوهاب سرتير دادبي اوکلتوري چوپړ ددرناوي په وياړغونډه .
په سويډن کي دافغانانو علمی اوفرهنگی مرکز دگران افغانستان دعلمي اوفرهنگي شخصيتونودلمانځنې اودرناوي په لړکښي داځل دهيواد دخوږ ژبي اونازک خياله وتلي شاعر ښاغلي عبدالوهاب سرتير دادبي اوفرهنگي هلوځلواودهغه دژونددشپېتم پسرلي دراسېدوپه وياړ دروان ۲۰۰۸کال دسپتمبردمياشتي پر ((۲۰)) مه دمالوپه ښارکښي درنه اوپرتمينه غونډه جوړوي .

هر کليمه ويونکی مسلمان دی (١١) برخه

ازادي

حريت مقدس ياسپېڅلې ازادي له الله تعالی لخوا يوه ډالۍ ده او ساتنه يې فرض ده نو مسلمانان لازمًا او يقينًاپه خپله ټولنه کې د خپل ټولنيز ژوند سياسي ،اخلاقي ،دفاعي اود ګټې وټې بنسټ دالله تعالی پرحاکميت ږدي او د الله تعالی لخوانازل شوي قانون په رڼا کې ژوند کولو ته ازادي وايي .
د مسلمانانو په اند او نظر وطن يوازې د زېږېدنې ځای نوم ندي بلکې په اسلام کې ازادې خاورې ته وطن وايي حريت او ازادي په ټولنه کې د الله تعالی د حاکميت ،تعليم ,د بشپړ بندګۍاو د قراني نظام نوم دی په هره خاوره چې دغه نظام وي د اسلام له نظره هغه خاوره ازاده خاوره ده د ازادې خاورې په اړه الله تعالی په خپل کتاب کې داسې وايي
جوماتونه روغ او ودان شي اودعلم په رڼا ښاېسته شي له هرې خوا پکې د تکبيرغږونه پورته کېږي زکات او بېت المال په شتون کې څوک سامبولی (لوڅ) او وږی نه وي په چاپور نه وي عدل او انصاف ونۀ پلورل شي د حق په توګه ورسېږي (خلکوته) بډې اخستل او دروغ ويل نه وي د شتمن لپاره پکې دا موقه نه وي چې غريب رالاندې کړي بدکاري غل غدو تښتول نه وي بې له الله تعالی له قانونه کوم بل قانون نه وي او حق پکې خپل حقدار ته رسېږي _ سورهَ الحج ايات ٤٠-٤٦ .
همداسې خاورې ته دارالسلام ويلکیږي همداسې وطن ته ازاد وطن ويلکېږي د همداسې ازادۍ لپاره انبياکرامو هلې ځلې کړي دي ګران رسول الله صلی الله عليه وسلم د همداسې ازادۍ لپاره دصحابه کرامو سره يو ځای د قربانۍ نمونه ښودلې ده .
ازادي د انسان فطري حق دی خو موږ د خپل تنګ نظر ،غفلت ، ناپوهۍ،سياسي تېروتنو، بې انډولۍ او بې ځايه بندېزونو لکبله لدې فطري حقه اود الله تعالی له يوې ډالۍ څخه بې برخې يو ............

نوربيا

ميوند اشنا
پينځنۍ د ١٣٨٧ ل کال د زمري ٣١
د ٢٠٠٨زکال د اګست ٢١

د خواخوږۍ نه مو مننه

څـومره لـږ دی، څـومـره خـوږ دی، څـومـره ګـران
لــکـه سـتـــوری د ســـحـــر، ژونــد د انـــســـان

د جولايي په مياشت کې مې د مساپر ورور له مړينې خبره شوم. د يوه داسې بد او غمجن خبر اورېدل او زغمل ډېر ګران کار دی. خو د خپلوانو او دوستانو خواخوږي مې د زړه غم راته لږ سپک کړ. زه د ټولو خپلوانو، دوستانو، قلمي همکارانو، شاعرانو، ليکوالانو او هنرپالو نه په ډېر درنښت مننه کوم چې زما سره يې غمشريکې وکړه او خپله خواخوږي يې د برېښليکونو، ټيليفونونو او وېبپاڼو له لارې تر ما راورسول.

يو ځل بيا دې د ټولو کور ودان وي

په درناوی
نجيبه سارا بياباني

دمیرمن کلتوري – ټولنیز بهیر دلسمې اوونیزې غونډې رپوټ

د مېرمن کلتوري ټولنيز بهير لسمه غونډه د ١٣٧٨ کال د زمري په ١٩ نېټه دشنبې په ورځ د استقلال په لېسه کې دفرانسې په کلتوري مرکز کې جوړه شوه . د غونډې مشرمېلمه د هېواد سياسي او فرهنګي شخصيت ښاغلی ډاکتر اشرف غني احمد زی و.

تېرېدل سيال ته دلاري پرانيستل دي

حبيب الله غمخور
وايي په دوبي کښي یو وه ورځ يوسړۍ دونې تر سيوري لاندي پر وت ؤ پر نس ئي مار تير شو،چيغه ئي کړه ،دهغه وبغل ته يوبل سړئ هم پروت ؤ،هغه ددغه سړي نه پوښتنه وکړه، خيريت دي وروره ،هغه بل ورته وويل بلې خيريت دئ ، پر نس مي مار تيرشو،دابل سړي ورته وويل وئې خوړې ؟هغه په ځواب کي ورته وويل نه ،وئې نه خوړم ،نودابل ورته وويل ولي دي دومره چيغه وکړه . هغه ورته وويل وروره پدې پوه يم چي مار ونه خوړلم ،خوپردې ډارېږم چي لار به ئې داغه شي يوه ورځ به مي وخوري

له ترهګرو(طالبان) نه يوه هيله

له ترهګرو(طالبان) نه يوه هيله

دا څواوونۍ کېږي چې په هېواد کې د کفاروبمبارۍ، اخلاق رېبلې تګلارې اوبې شرمۍ (ډموکراسۍ)ترڅنګ تاسوترهګرهم په افغانو مېرمنو نوی دوزخي قانون پلی کوئ د هېواد خوېندې او مېندې په لارو او کوڅوکې ډېر په بې رحمانه ډول پدې تور وژنئ چې بدلمنې دي او د مدرسو او ښونځيو نه نجونې امريکايانولپاره چڼوي اويا امريکايانو ته کوم بل خدمت پدې پاکه اسلامي خاوره چې دمګړۍ پکې د مسلمانانو نه کفار زيات دي کوي تاسوترهګردغسې افغانانې ډېر په بې شرمۍ وژنئ او دغه ځناورتوب ته بيا تل په شان د اسلام ټکی کاروئ .

اسلام يو بشپړ دين دی او هېڅ ((خو)) پکې نشته او د يو چابدلمني مالومول پکې خورا ګران کاردی او زموږ چې دين عقيده ، هېواد او واک د کفارو په ولکه کې دی او زموږ د بې غیرتۍ بې واکۍ او بې ايمانۍ دا حال دی چې هر څه په رڼو سترګو وينو او بيا هم زموږ په سلورګونوکې يو رګ هم دحيا او غېرت نه خوځېږي نوتاسو ترهګر هم دا حق نه لرئ چې زموږ د هېواد خوېندې او مېندې د بدلمنۍ او يا د کومې بلې دندې ترسره کولو په پلمه وځړوئ او يا يې په داسې بې رحمۍ ووژنۍ چې ځمکه او اسمان دواړه درباندې لعنت ووايي که پاک رب العالمين موسره د دې ګوډاګيانو شرابيانوهمدغسې شرمېدلي لره چې تاسو دا هېواد د ترهګرۍ مرکز جوړکړی دی او دوئ د فحشۍ .

ميونداشنا
منځنۍ د ١٣٨٧ ل کال د زمري ٢٢
د ٢٠٠٨زکال د اګست١٢

احمد نصير فياض دحقيقت قرباني شو

دتنكي ځوان ژورناليست عبدالصمد روحاني قاتلين لاندي پيدا شوی چي فياض گواښول کيږي
حبيب الله غمخور
۲۰۰۸داگست نهمه
هغه څوك چې غواړي وطن ته خدمت وكړي او د خپلو كړيدلو خلكو اواز پورته كړي ددموکراسي اوټولنيز عدالت دمخالفينولخواپه مرگ گواښول کيږي .
دجولاي پر ۲۸ مه په کابل کي د اريانا د شخصي تلويزيون خبريال د (حقيقت) خپروني چلونکى محمد نصير فياض په دې ګناه په کابل کي د ملي امنيت د اداري له خوا نيول شوى او زنداني شوئ وو،چي ګواکي دهمدي ټلويزيوني پروگرام له لاري يي دکابيني دغړوکاري نيمګړتياوي اوستونزي ملت ته په ډاګه کولې .